Det er høve til å klage på enkeltvedtak i lotterisaker. Klage på slike vedtak skal alltid sendast til den instans som har gjort vedtaket. Klage på vedtak gjort av politiet skal derfor sendast til politiet, mens klage på Lotteritilsynet sine vedtak skal sendast til Lotteritilsynet.
Etter at klage er sendt til den instans som har gjort vedtaket, vil klagen og saka bli vurdert på nytt. Dersom instansen finn at det ikkje er grunn til å gjere om vedtaket, vil klagen bli sendt til klageinstansen. Klager på politiet sine vedtak vil bli sendt til Lotteritilsynet. Klager på Lotteritilsynet sine vedtak vil bli sendt til Lotterinemnda, som er eit uavhengig klageorgan.
Ver merksam på at partane etter forvaltningslova §18, jf. §19, har rett til innsyn i dokumenta i saka. Ein kan be om utsetjing av iverksetjing av vedtaket til klagesaka er endeleg avgjort dersom gjennomføring av vedtaket kan tenkjast å vere til skade for parten, jf. forvaltningslova §42. Ver også merksam på høvet til å få dekka sakskostnader etter forvaltningslova § 36.
Ved spørsmål om høve til klage i lotterisaker, ta kontakt med:
Lotteri- og stiftelsestilsynet
Postboks 800, 6805 Førde.
telf: 57 82 80 00, fax: 57 82 80 80
E-post:postmottak@lottstift.no