Vedtaket inneber ei godkjenning av at Cultiva skiljer ut 350 millionar kroner til ein ny stiftelse (under oppretting). Den nye stiftelsen vil ha same formål som Cultiva, å sikre arbeidsplassar og gode levevilkår i Kristiansand, men formålet skal oppfyllast ved å gi støtte til store kulturanlegg i Kristiansand.

Saksgangen vidare er at Stiftelsestilsynet no vil kunngjere delingsvedtaket, med ein 2-månaders frist for kreditorane til å komme med innsigelsar mot delinga. Etter kunngjeringsfristens utløp skal stiftelsen stadfeste overfor Stiftelsestilsynet at forholdet til kreditorane ikkje er til hinder for gjennomføring av delinga. Stiftelsestilsynet vil då registrere delinga i Stiftelsesregisteret. Delinga vil først tre i kraft frå registreringstidspunktet.

Vedtaket kan lastast ned her.