I Lotteriregisteret er det registrert i underkant av 5000 frivillige lag og organisasjonar som har fått godkjenning som lotteriverdig organisasjon. Godkjenninga er etter søknad gitt av Lotteritilsynet og gir organisasjonen høve til å søke om løyve til lotteri og bingo.

 

Som følgje av at ein organisasjon er godkjend, må den rapportere rekneskapsopplysningar som handlar om organisasjonens aktivitet ein gong i året til Lotteritilsynet. Fristen for rapportering for 2009 er 1. juni 2010.

 

I april vil Lotteritilsynet sende ut ein informasjonsfaldar til alle godkjende organisasjonar. Her blir det gitt rettleiing om utfylling av skjema, og om ordninga med elektronisk rapportering. Det er berre utvalde rekneskapsopplysningar som skal rapporterast på fastsett skjema.

Lotteritilsynet presiserer at vi ønskjer utfylt rapporteringsskjema sendt inn etter 4. mai, og at rekneskap og årsmelding ikkje skal sendast inn.

Utfyllande regelverk som handlar om godkjenning som lotteriverdig organisasjon og lotteriløyve finn ein ved å følgje lenka til ’lov og regelverk’ i menyen til venstre.

 

Alle organisasjonar blir oppfordra til å rapportere rekneskapsopplysningar elektronisk. Lenke til elektronisk rapporteringsskjema blir lagt ut på våre nettsider og på ALTINN første veka i mai.

I samband med rapportering, og all anna forvaltning knytt til organisasjonen, er det viktig at opplysningane som er registrert i Enhetsregisteret er korrekte. Eventuelle endringar av opplysningar som adresse og/eller i styresamansetjing må sendast dit.

 

Enhetsregisteret kan kontaktast på telefon 75 00 75 00 eller via www.brreg.no