Kortspelet bridge er ikkje å rekne som lotteri sjølv om det kostar pengar å delta og blir delt ut gevinst til vinnaren. Det slår Kultur- og kyrkjedepartementet fast etter å ha vurdert saka.
Poker er lotteri, og er av den grunn ikkje lovleg her i landet. Difor er det stilt spørsmål ved om ikkje lotterilova også omfattar til dømes bridge. Men departementet meiner ferdigheitselementet er meir dominerande enn tilfeldigheitselementet i bridge. Dette skuldast blant anna at spelarane under spelet har relativt god kjennskap til fordelinga av kort mellom spelarane, og KKD konkluderer difor med at bridge ikkje er å rekna som eit lotteri. Du kan lese heile KKDs vurdering HER.