Klikk på  "Status rapportering"  for å få oppdatert oversikt over kven som har rapportert.

Lotteritilsynet har i veke 16/2010 sendt ut informasjon til alle lotteriverdige organisasjonar om plikta til å rapportere rekneskapstal for 2009.
Frå 3. mai 2010 kan godkjende lotteriverdige organisasjonar rapportere rekneskapsopplysningar for 2009 elektronisk via vår nettside eller Altinn.

Fristen for elektronisk rapportering er utsett til 21. juni 2010.

 

Kvifor må eg rekneskapsrapportere?

Foreininga di er godkjend som lotteriverdig organisasjon etter lotterilova § 4f, og kan dermed søke om løyve til lotteri og bingo og tilskot frå overskotet til Norsk Tipping. Alle som har fått slik godkjenning har rekneskaps- og revisjonsplikt i samsvar med  rekneskapslova og revisorlova.

Lotteritilsynet har likevel gitt dispensasjon frå dette generelle kravet på vilkår av at organisasjonane rapporterer sentrale rekneskapstal ein gong årleg på fastsett skjema.

 

Kravet om slik rekneskapsrapportering gjeld alle organisasjonar, også dei organisasjonane som ikkje har hatt inntekter frå lotteri i 2009. Manglande rapportering kan føre til at organisasjonen si godkjenning og lotteriløyve blir kalla tilbake.

 

For å få finne ut om organisasjonen din har fått registrert rekneskapsopplysningane sine hos Lotteritilsynet kan du klikke på lenka ”Status rapportering” på toppen av denne sida. Vi gjer merksam på at når det blir rapportert via Altinn blir denne sida oppdatert automatisk kvar dag. Ved rapportering med papirversjon av skjema kan oppdateringa ta inntil 2 veker.

 

Kvar kan eg finne rekneskapsskjemaet?

Denne lenka fører deg direkte til skjema via innlogginga på Altinn. Du må gi opp fødselsnummeret ditt, og kan deretter logge inn med kode frå sjølvmeldinga eller skattekortet. Eventuelt kan du få ny kode frå Altinn. Har du alt registrert mobilnummer i Altinn kan du velgje å motta ny kode som SMS.

 

Har du spørsmål om bruk av Altinn?

Altinn brukarservice: tlf. 75 00 60 00 eller Altinn.
                                                           

Kva skal eg rapportere?

Organisasjonen skal føre rekneskap i eit ordentleg og oversiktleg system som viser alle transaksjonar som er av betydning for å vurdere inntekter, kostnader og gjeld. Grunnlaget for rapporteringa er rekneskapet, og det er organisasjonen sine samla inntekter, kostnader og overskot frå dei ulike lotteria som skal rapporterast. Dersom organisasjonen tok imot tilskot frå speleoverskotet til Norsk Tipping skal denne summen også rapporterast. Vi ber også om ein kort rapport på korleis lotteriinntektene vart disponert i rekneskapsåret. For dei som har avvikande rekneskapsår skal det rapporterast for rekneskapet som vart avslutta i 2009.

 

Det skal ikkje sendast inn andre dokument enn ferdig utfylt rekneskapsskjema.

 

Kven kan rapportere?

For å fylle ut og sende inn dette skjemaet i Altinn må du ha rettigheit som ”utfyller/innsender”.
Les meir om skjemaet her.

Den som er registrert som dagleg leiar, styreleiar eller styremedlem for organisasjonen i Enhetsregisteret, har tilgang og fullmakt til å levere rekneskapsskjemaet gjennom Altinn.

Denne fullmakta kan delegerast frå leiar eller styreleiar dersom det er ein annan i organisasjonen som skal rapportere. Slik delegasjon av fullmakt blir gjort i Altinn.

Spørsmål om kven som er registrert som dagleg leiar eller styreleiar for organisasjonen i Enhetsregisteret, eventuelt endring av denne, må rettast til
Brønnøysundregistrene eller på tlf. 75 00 75 00.
 

Ønskjer du i staden å bruke papirversjon av skjema?

Du kan laste ned ein papirversjon av skjema ved hjelp av namn eller organisasjonsnummer 
ved å følgje denne lenka.

 

Skjemaet skal sendast til Lotteritilsynet, Postboks 800, 6805 Førde og merkast rekneskapsrapportering 2009.

Innan 2 veker vil du motta eit kvitteringsbrev som stadfester at vi har motteke rekneskapsopplysningane

 

Det er sendt ut ein informasjonsfalder til alle lotteriverdige organisasjonar som gir nærare opplysningar om rapporteringa. Lotteritilsynet hentar namn og adresseopplysningar frå Enhetsregisteret. Dersom du ikkje har motteke denne informasjonen er det fordi opplysningar om organisasjonen ikkje samsvarer med det som er registrert i Enhetsregisteret. Skjema for endring av opplysningar i Enhetsregisteret finns på Brønnøysundregistrene

Gi alltid opp organisasjonsnummeret når du vender deg til Lotteritilsynet.

Innleveringsfrist for papirskjema er 1. juni  2010.

 

Last ned informasjonsfalder.